AAAAAAH!!!!!! UNTERGANG!!!!!!!!!!!!

hier lesen sie eine kleine aber nicht unwichtige info zum reiseland norwegen! es ist absolut möglich dass es montags (GESTERN!!!!!) 15 grad hat, und heute morgen (4 VIERTER MAI) schön vor sich hinSCHNEIT!!!!!! aaaah ich sägs eu.. soviel zum thema erderwärmig..

2 Kommentare 4.5.10 21:56, kommentieren

i wanna be a star, love my car and picasso cynthia ;)

 hei hei

schätzed de itrag mal dopplet, nachdem i de erscht fertig gha han, hett min lapi möse dumm due, und drum schriebin jetzt namal!

es isch es suuper WE gsi, drum verzelli eu doch mal das... am fritig nachem schaffe bini mitem alex nach horten übere gsäglet (eigentlich ja d fähre gno :P) und vo det us simmer denn nach tjömme, das isch es buurekaff wie usem buech..d schwiegereltere vom alex hend det e hytta/cabin, so eini wie jede norweger hett nur dass die hütte, e huus isch, ufere plattform hoch über allem gläge, eifach en traum! hend dett mit fründe vom alex sim schatz en mega koslige ([kuuuschli]=gmüetliche) obig gha..alli sind vom ne anere teil vo norwege cho, und jetzt han au ich mal d dialekt ghört, vorher hett eifach alles glich tönt...

am samschtig-morge simmer denn as ändi vo de welt...das heisst würklich so: verdens ende! d norweger säged, dass wenns näblig segi, me det usse stöchi gsehis us, als würd d wält det nüm witergoh... es sind so maggia-tal stei flach übers meer versträut, chasch umekraxle und es isch würkli sehr sehr schön! 

geg obig hani mi wieder uf de heiwäg gmacht...in horten hani mit denn id auto-schlange gstellt, will mer hend müesse ufd fähre warte..klein cynthia hett denn musik glost, s liecht agha (ja, lach ruhig, bi sau dumm) und wo denn d fähri agleit hett, s auto vor mir gstartet isch, s auto hindermir hett welle starte, han ichs nüm chöne! bluuuuuuuuuush! super moment sägi eu :-) 3 nordliechtli hend mer denn s auto agschobe und nach 5 meter ischer agumpet!!jaaaaaaaaaaaa!
uf de fähri hani pfust, chum zrugg is auto, natel-check, 2 arüef us de chuchi, ahhhhh was hani vergässe!!??? gunnar: hey, na geniesst du dein frei? wir suchen die schokotorte für 25 personen,...!? ich: gunnar,da isch nüt uf de liste gsi geschter woni hei bi! er: ja hm, ich brauch die jetzt, wo bist du by the way, ach komm doch kurz... ---> han denn e schokitorte zauberet i 8 min (biscuit hani gha)..yeah, hero zum erste!!!

am obig simmer wieder mal idi riese city moss :-) d jungs sind id rockbar und mir mädels id mycro... nachdem alles zue gmacht hett simmer denn zu mir.. nachspiel :-)

nach nid so viel schlof hani denn hüt müesse schaffe, bin zum glück nid di einzig gsi wo usgseh hett wie en panda.. hend nur schabbernack gmacht die ganz ziit..nun guet, susch simmer ja seriööööös!

zum schluss na s schönste :D d schwede hend geschter all mini farbtuube gseh umeligge und froged so obi selber male, nei, die ligged ume wills na stylisch usgseht han ihne denn paar bilder zeigt woni scho gmacht ha, und sie hends mega cool gfunde.. d sara hett ez eis bstellt für ihri erst eige wohnig, sie zahli was ich well, sie fänds meeeeega :-) jö, ich säg eu, ha so freud!

sichered eu es bild, solangis na billig mache :-)

tschüüüüüüüüüssss usem schöne norwege!!!!

1 Kommentar 2.5.10 23:17, kommentieren

harti siäche, mouton rothschild und cake of the year!

hallo liebe liebende! :-)

ah was für es WE... also zersch mal na churz zude täg devor :-)
de herr hellstrøm isch gast gsi,... er isch de star choch in norwege und macht wie de rach, sone restuarant pimp show.. nun ja, zum glück nid bi üs, bi üs ischer nur  zum zmorge (07:00-10:00) am halbi 11 erschienä und am halbi 10ni zum znacht (er hett au nur uf di 8ti reserviert.idiot!)..und das di ganz wuche..chch, fucking stars... und allllllllllli sindem is hinderteil kroche, debi, au  bi ihm stinkts.. nun guet, lömmer da, fazit: d frau güntert hett für en STAR desserts gmacht :D

am samschtig isch es gsi wie im ameisehuufe/alarmstuufe rot im hotel.. de baron (ja er hett en schwule touch gha) vo mouton rothschild isch go sini wii präsentiere.. mir hend einigi sehr wertvolli wii, und soviels mer isch, di gröschti sammlig in europa... nun guet, au er chocht nu mit wasser, wenn überhaupt..verstand da ganze geschleime eh nid..
es hett gäh (weiss nur s dessert :P ) aprikose-nuss-terrine, tarte tatin (caramelisierte öpfelchuech,frazösischer herkunft :P) und vanilleglace.. isch glaub na guet gsi, has nid probiert.. isch chli en beschränkig vo mir... s fertige dessert probieri so guet wie nie.. egal hani scho gseit, bi hüt en plapperfall..  also nid wundere wenner morn na am min schmalz läse sind...

nun guet, nach 12std schaffe hemmer denn gseit dass mer üs na churz bim gunnar träffed und denn id city wennd...usem churz bim gunnar träffe isch halbi 5i am morge worde...es isch de hammer geilsti obig gsi, 2 dütschi, 2 schwizer, 1 pol, 3 schwedä, 1 estonin, 2 moldawierinne und 3 norweger.. de gunnar hett de schwedä s schnupfe zeigt und sie sind hell begeisteret gsi... eifach multikulti, kjeeeeeempe braaaaa!!!! i like! ich bi di einzig gsi wo sober gsi isch, han mi denn all dene alkohol liiche (swedish) agnoh unds mit offenem fenster umechauffiert :-) herrlich! da d katja bi mir gschlofe hend, hemmer na de sunneufgang bestuunt und sind denn go ligge..


ah ja, de retusch und ich hend welle am cake of the year wettbewerb mitmache, hend üs scho mega gfreut, aber neiiii, muesch mitglied vom bäckereiverband sii...irgendwie hettemer das scho gschafft (chch) nur leider isch üsen huusbäcker gay damn! .. 

so ihr,ich hoffe es isch en spass gsi, und hey, nid wundere, ich bi eifach nur müed, thats the reason.. 
klem!!!

2 Kommentare 25.4.10 21:26, kommentieren

norsk-kurs, marrokanischs ässe und schwedischi jungs!

hei mine venner! 

hvordan har du det? 
hva gjør du?
Jeg vil gjerne ha en melding fra deg!

also, wie du vielleicht gsehsch, bini immerna de meinig dasi irgendwenn cha norwegisch rede :-) isch eigentlich e bubieifachi sproch, d kollegin (norwegerin) hett gmeint, es seg doch eifach, also sie, heg sie mit 2 jährig glernt :P so ischs denn scho nid... gib mer also alli müeh, hend jetz grad alli kleider, farbe und so glernt, also rein theoretisch chani jetz voll go shoppe...

am sunntig hani nüt gross gmacht, has bis am obig nid mal usem hus gschafft, trotz allerschönschtem wetter! überall hend d garteterasse offe (und überall ligged wulledeckene, ha, vowäge harti sieche!!) am 5i bini denn bim retusch (reto uf polnisch) ich bi übrigens ez d cynthusch, iglade gsi zum marrokanisch ässe, super geil, zur vorspis hetts en tomate-gurke-zugetti salat gäh mit lauwarmem couscous und harissa-gwürz! mhhh und denn zum hauptgang spicy poulet mit riis
sehr schöne obig gsi.. ha mich vom eltjo (holländer) belehre loh über üses universum, und er hett mer welle wiismache dass er in pole schomal es UFO gseh hett! haha die story muessi eifach verzelle..eltjo: er seg mit fründe in pole gsi am wandere und denn segeds uf me berg halt müed worde und heged under freiem himmel gschlofe, denn plötzli chömed polnischi polziste und lüchted ihne id auge, strecked ihne s gwehr is gsicht und brülled irgendwas vo "passportiii".. (hehe de gary (pole) isch scho unruhig worde uf sim stüehli) und denn hegeds halt ihri uswis usegno, und alles seg guet gsi... denn ich: hallo, grad so aggro?! denn de gary, springt uf: es hetted chönne russe si!!!!!!!!!!!! haha! uf alli fäll hegeds i dere nacht en stern, heller als di andere, gseh, wo zickzack über de himme düst seg! ja, eltjo, alles klar..

am mäntig, isch wie meistens min "hüt-erledige-ich-alles-woni-scho-lang-will* tag.... nu so einigi pünkt: bi ez stolzi bsitzerin vonere goldige michael jackson hard disk, cha nüm lachä vor luter muskelkater im buch, und finde dass di norwegisch poscht e verdammti gäldmacherei isch! 

hend wieder schwedischi jungs ide chuchi (stage für 4 wuche) , leider wieder kei chlini brüedere von ljungberg aber was wottsch mache, hä.. also i dem sind: heja sverige!!! 

Jeg ønsker alle en fin uke!!
klem oder in schwegisch: kram
cynthia alias cynthusch





1 Kommentar 20.4.10 21:01, kommentieren

14° ---> startschuss summer!!!

hei alle sammen!

chume mal wieder dezue en itrag z mache.. :-)
han mini erscht arbeitswuche guet überläbt (isch ja immer sone sach nach de ferie, d motivation nimmt immer en flüger spöter als ich)...
nun guet, samschtig isch girls-night gsi... catharina, eirin, lene und ich sind uf tour ;-) zersch i di vollgsptopfti microbryggeriet und denn is komma... :-) da am 2 alles zue macht, hemmer es nachspiel (offizielle name in norwege) bi mir gha... 


da sit em dunnschtig d sunne fascht ununterbroche stahlet (ob sie wohl au de früehlig gspührt?!) hani mi denn am sunntigmittag entschlosse as meer z go... schön isches gsi! 
na en chline reale iblick is norwegische denke :-) es hett ez öppe zwüsche 14 und 17 grad, je nach dem wo und wie und so halt und das isch sozsäge es muss zum churzi hose, röck und shirts azieh... also liebi schwizer, ich würd säge, ihr müend scho fasch im bikini umespringe damit ihr mit de norweger chönd mithebe :D

geschter hani wieder mit em norwegisch kurs agfange, ha schochli züg vergässe überd ferie, aber da chunnt scho wieder zrugg :-) 

hoffe au bi eu unne isch alles guet, d osterhäsä vertilgt und s bikini parat...

hilsen fra norge!
cynthia

13.4.10 18:09, kommentieren

sveits, svizzera, schwiiz, eifach mis dihei...

ciao a tutti..

sööseli, au mich feriechind hett de alltag wieder igholt, ziemlich gschnell sogar... am morge am halb 10ni in oslo gsi, 2std spöter am schaffe.. 
norwege hett mi nid so strahlend empfange.. de flugi hett müesse 20min kreise will er vor luuter näbel nid hett chöne lande.. aber geg obig (wie eigentlich jede tag) isch d sunne glich na cho.. de früehlig hetts au äntlich zu mir ufe gschafft! 

en churze iblick i mini ferie: chueglöggli/aargau/schoggi/ticino/sunnebrand/panetone/amici/züri/winti/esprit , liechtestei/cristiano/germany/box nr.4/shoppinwahn/orange-shot/grüne plastiksack , züri by night/in sii wie de hirschmann/vizsla/packe/go... GRAZIE a tutti!

ich tapse jetz nachli uf minere graue wulche ume, und hoffe dass d sunne morn zu mir ufe schiint :-)

eu allne e gueti ziit!!
fühled eu umarmt! jaaaa alli zäme!!!! 

7.4.10 22:11, kommentieren

schabbernackers und rüeblibuebe :-)

hallöle..

äntlich chumi wieder dezue zum en iitrag schriebe.. :-) es isch schi chli öppis passiert sit em letschte mal.. lass mich überlegen... ich han di letscht wuche na guet hindermich brocht mit schaffe, han chli planigsunebeheite gha, aber denn glich schwedä, matraze zügle, stüehl chaufe und alle kram under ein huet brocht und bin denn völlig bereit gsi für de bsuech!

am samschtig morge am 09.30 sind di 3 jungs usem flugzüg gstolperet :-) es isch sooo schön gsi mal wieder vertrauti lüt um sich z ha, da chönder eu gar nid vorstelle...
am samschtig hemmer moss undersuecht ;-) zersch d stadt, denn s hotel und d sunne, und denn s nachtläbe und d galaxie :-) ach es isch herrlich füecht fröhlich gsi...

sunntig morge hend sich denn alli chli schwer tue bim brunche im hotel (isch ja au verständlich :D) aber nach me chline nickerli isch alles wieder guet gsi... hend üs denn uf de weg nach oslo gmacht, det s operehuus, de vigelandpark und di vernäblet holmenkollen schanze agluegt uuund di berüehmte pölser gässe!typisch norwegisch... alles in allem en super spassige tag gsi!

nachem zmörgele, packe, poschte und ade säge, simmer am mäntig nachem mittag namal uf oslo...dasmal für souveniers und shopping... :-) nacher simmer richtig flughafe und miteme supermegamässige flug heibrocht worde!

fazit: mmmeggga cools WE gsi, und ich bi im männlichä denke es stuckwiit nöcher cho

jetz bini für e wuche ide schwiz und freu mi über alli woni gseh!schmatz

2 Kommentare 30.3.10 23:01, kommentieren