sveeeeeeeeeeeeeits!

hallo ihr do unne

ich ha nid so viel neus z verzelle, aber ja, plappere glich mal druflos
d WM isch da obe leider kei thema, da norwege ja nid debii isch.. aber es fuessball zelt hetts glich de reto und ich hend üs denn natürlich am mittwuch am 4ri uf de wäg gmacht, leider ohni jeglichi fanartikel, will nüt dergleichen do obe z finde isch, aber defür mit gueter luune und de hoffnig uf anderi schwizer z träffe hihi bide hoffnig isches bliebe, öppe 25 lüt, devo alles spanie supportet und mir 2 schwiizer chäsli aber sie hend fair au klatschet :D de reto und ich sind verständlicherwiis usgflippt... jetz hoffemer mal chile wird au gschlage denn chömmer hoffe  

susch hemmers schön da.. sunne, liecht, hell.. *underdnaseriib* 

de juli wird sehr ruhig da sich wiedermal alli nordliechter i ihri hütte verziehnd, schön für mich.. 

bis zum nächste highlight usem norde, em sunnige norde

umarme eu allllllliiiiiiiiiiii

17.6.10 23:04, kommentieren

schwizer summer und en funke zuekunft

hallooo und willkommä dihei

bi nun scho sitem dunnschtig wieder dihei, und gnüss es mega... es isch eifach ganz öppis speziells dihei z sii...

am fritig bini bim frisöööör gsi und denn mädelsobig mit mexikanischem ässe, mhhhmm...
samschtig hani all mini ehemalige understifte troffe, mega schöne obig gsi, und mal wieder interessant was die so mached...vo denä 6 lüüt isch genau na öpper (und ich) ufem bruef, die andere hend sich umgschuelet... au susch ischs mer nid langwilig gsi..

scho bald sind mini ferie wieder ume und ich flüg wieder ufe... freu mi irgendwie ufd sunne in norwege es git nüt schöners wie am morge am 5i ufzschreckä will me meint me heg verschlofe nur will d sunne schiint scho glii chömed ja au na mini eltere für e wuche ufe, wird sicher au luschtig.. und denn gohts nüm lang bis ich wieder mis auto vollstopfe und die 1700km id schwiiz rössle.. *freu*...

 schmatz

9.6.10 23:10, kommentieren

wenn engel reisen, pha, von wegen!

heiiii

ich bi wieder doooo!!! au wenn nur für e wuche, aber ich ha schwizer bode under de stampfer
hüt morge 6i, frau cynthia stoht uf, sonne! (18grad)
morge am 7ni, frau cynthia goht uf de bus, sonne! (19grad)
morge am 8:59, frau cynthia gits gepäck uf, EI minute vor em closing, but still, sonne! (uschlu immer chälter 16grad)
landig in ZH ---> regen! uhure fräch, oder?

hoffe es zeigt sich morn vonere andere siite.. aber au so bini froh dasi chli ziit ha zum entspanne...

auf bald..
cynthia

3 Kommentare 3.6.10 23:57, kommentieren

schaffe schaffe häusle baue..

halloooo

nur churz di neuschte infos... de beeeerüüüehmti geir skeie isch ez do gsi, wuhuuu sehr en glassene, scho fasch chli checker-haft... aber ich glaub wennd sooo viel chochuszeichnige hesch, denn isch da wo mir jede tag mached, wie pipifax... er isch sehr nett gsi, hett sehr wenig selber gmacht und en sehr grosse erfolg gha... s dessert wo er (also ich ) gmacht hett, chönder susch bi FB aluege...

eigentlich wär ich grad jetz, dihei... aber in würklichkeit hani de ganz tag gschaffet und bi denn mit em gunnario und em reto go grille, so schön, am meer höckle bis am 11fi und s`isch immerna hell han min flug möse/sölle verschiebe will di nöchscht wuche bim schaffe d höll los isch... :S aber ja, ich han au nid chöne nei säge... nun guet, s hotel zahlt ez de flug und ich chum defür am dunnschtig hei, für e wuche... 

ah ja, de lena hype isch nani in norwege acho, die truured immerna im alexander rybak no und ich persönlich wer für moldavia gsi

takk for i dag!!
klem..
kyss
cynthia

30.5.10 23:39, kommentieren

ungwüssheit vo schwizer, über schwizer..s endi vo de welt und de geir skeie :)

Hallo mini liebe läser..

mal wieder es update vo mir obe abe :-)) vom sunntig bis hüt isch d selina uf bsuech gsi! S wetter hett sich also vo de schönste siite zeigt, ha sogar de sunnebrand gha, tsss, chas eifach nie ohni :-) am sunntig simmer am strand gsi, obwohl d selina gfunde hett es isch kei richtigs meer do :-) nur wills halt nid endlos isch, sondern, me meistens uf di ander siite gseht, (liit am fjord )

am mäntig hemmer s obligatorische sightseeing programm für schwizer touris gha :-) ha de reto grad au mitgschleppt, chch... orperahouse, holmenkollen (dasmal mit traumhafter ussicht) frognerpark, schloss, karl johann gate... solangsam kenni mi guet us, und cha überall chli en schabbernack dezue verzelle.. obi wohl söll schwiizer touri guide werde in oslo?????

hei, denn sitzemer do so im hard rock cafe und mapfed bruger, wo e rösslikutsche verbii rösslet, eher ungwöhnlich, so uf de shoppingmeile... woni gnau hiluege sitzt de stefan raab druf.. de muess sicher für de eurovision songcontest recherchiere... de isch ja am samschtig do in oslo... hend üs denn peinlicherwiis müesse froge wer eigentlich fürd schwiz goht??? lüüülüülüü, ich bi halt scho chli wäg vom schuss do obe, aber au di andere zwei hends nid gwüsst, phuu :P

sind na en abstecher id eurovision-village go mache.. hett e mega cooli band gspielt, wo anschinend so unbekannt isch, dasi nid mal was uf youtube find aber guet ischsi gsi.. plötzlich en chline mänscheuflauf um en junge maa... alli wennd autogramm vo ihm, chlini meitli sind mega usem hüüsli, föteli werded knipst... :-) ha denn mol öpper gfroget und tadadadaaaa es isch de alexander rybak gsi... klinglets?grosche gfalle?nid?immernoni? Er isch de letschtjährig gwünner, mitem lied „fairytale“.. passionierte giiger, sänger, komponist.. wieder was glernt..

am zischtig simmer is hotel go zmörgele und denn simmer as endi vo de welt.. super schöns wetter gsi, und es hett kei lüt gha, was will me meh :-) ich würd eu am liebste allne s endi vo de welt zeige :-) mhm!! nacher hemmer na en abstecher id stadt tönsberg gmacht, nice city..und d frau güntert hett wieder mal en neue lieblingslade gfunde..wirde glaub mal en ahänger bruche wenni wieder gange do... übermorn isch de europäisch bocuse d`or gwünner (norweger!!) gastchoch bi üs.. geir skeie.. bin gspannt.. dessert: rhabarber-erdbeer-suppe, chibouste und erdbeersorbet..

wirde eu denn nach mine ferie (JAAAHAAA, abem sunntig ei wuche) meh verzelle... bis dahin, tschöö mit öö!

3 Kommentare 26.5.10 23:52, kommentieren

17.mai heeeeiaaa norge!

hellooo

es chlises update.. jiiihaaaaa ich has überläbt... de 17 mai isch verbi :-)))

voller vorfreud bini am morge a mis fängschter ghüpft und ha welle alllllli flagge zelle, aber ha also keini gseh vo mim balkon

us... grumpf, chli entüscht bini scho gsi, aber vielleicht, (hani mir so denkt) hani halt alles nur usländer um mich ume, und ich ha ja au kei flagge...
ufem wäg zum schaffe ischs denn scho meh rot,wiis,blau worde.. und überall sinds scho mit de trachte umegstieflet :-)

im hotel acho, isch de stress losgange, 120 früehstück, denn di erschte 100 persone zum buffet, denn gschnell umbaue, die nächste 120 zum buffet, denn namal alles neu, und die letschte 60 zum buffet... nach 14 std schaffe isch de ganz zauber verbi gsi.. :-)

im grosse und ganze isches aber scho chli andersch wie ide schwiz.. d lüt sind sehr sehr sehr stolz uf ihri eigeständigkeit (dänemark/schwede).. es wird d nationalhymne trälleret, überall hesch kapellä mit ihrne sexy tänzerinne (da chönt me ide schwiz iführe :-)) all die wo kei tracht träged sind im azug underwägs... isch uf alli fäll schön gsi da mol z gseh! und egal wo ich nächscht johr a dem tag bin, hängi mini chlii norwege flagge use :D

maches guet und gnüsseds warme wetter!!! 
aktuelli i-dunkligsziit: 22:30! :-)



3 Kommentare 18.5.10 19:48, kommentieren

s`simi feeling, es wird hell und sötten mai :-)

hei du!

nachdem min blog 2 täg lang nüm hett welle funktioniere, chumi endlich dezue eu uf de aktuelli stand z bringe!

di letscht wuche isch na relativ guet verloffe... hend am samschtig nur 8 verschiedeni bankett gha innerhalb 2 stund, haha isch ja gelacht! dummi konfirmatione.... he ich säg eu, ich glaub die hend ghört dass es en guete patissier im refsnes gods git (döt schaff ich :P :P hihi) und hend en kontest gstartet, wer di schönste chüeche macht es isch normal in NO dass me d chüeche selber mitbringt wo me im hotel isst, es wird eifach e gebühr vo öppe 8franke zahlt dass me teller und besteck hett, und guet.ist doof, merked die aber nid! nun guet, am samschtig morge (vor dene 8 baknett) hetts denn öppe 30 chueche vo norwegische huusmamis dunne im fridge gha, ööööla madonna... chapeau!

am mäntig hani üsi schwedin, d`sara, nach oslo gschleppt..  
sind zersch uf de holmekollen... yeaaah simi! det hemmer denn beschlosse in skisprung-sim(i)ulator z`go! herrlich sägi eu! zersch isch en skisprung und denn en rieseslalom simuliert worde, mega idrücklich wie die mit 130km/h überhaupt na d kontrolle hend. natürlich hett au en bsuech im frognerpark nid gfählt...!

na 5 mal schlofe und denn isch de gröschti tag im johr vom ne norweger! ich versuech eu mal da dri z versetze! :-) es isch nationalfiirtig! hip hip hurra! und jetz, liebi schwizer, ufpasse! ich verzell eu ez mal was es no so git usser lampion ...
1. JEDE hushalt hett e flagge dusse, und das dörf me ruhig scho e wuche vorher erledige
2. Es isch NORMAL dass jede (!!!!) egal ob jung, oder alt, mhm, au die i mim alter, e tracht alegged! d trachte sind nid besser als bi üs und jede landesteil (N,O,S,W) hett anderi.
3. es git jedere grössere stadt festumzüg..
4. (hach uf das freui mi am meischte) wenn du a öpperem verbi laufsch, egal ob du die person kennsch oder nid, seisch du "gratulerer med dagen" soviel wie: alles gueti!!
na was meineder, mach ich das wohl guet?
so gseht das in oslo us:
http://media.aftenposten.no/archive/00737/17__MAI__tittel_jpg_737852x.jpg (leider münders selber kopiere, cha kein link ifüege)
ah ja,ebe a dem tag, hemmer 300 persone reserviert für buffet, das heisst, tonne vo caramelpuddig, schokimousse, marzipancake... 


zur ziit ischs echt super schön do obe... ich wirde am morge am 5i mit de sunne gweckt und stand uf, ligg in liegestuehl... ;-) gemerkt?? natürlich machi da nid, obwohlis mer au scho überleit han... dunkel wirds nach de 10ni, und ebe, hell nach de 4ri... isch schono e umstellig, aber e super geili! me isch viel weniger müed... 

das wärs mal wieder..
tschüüüss 
eui "gratulerer med dagen" - sagerin 




1 Kommentar 12.5.10 23:18, kommentieren