vielleicht das letzte mal

hallo hallo

sodeli nach langer abweseheit gits mal wieder en iitrag, vielleicht de letschti i dere form

hm, wo fangi denn a? bi immerno in moss, immerno im refsnes aber det isch nüt me so wies mol gsi isch.... nachdem fasch di ganz chuchibelegschaft kündt hett, hett ez au ne min lieblingsdirektor de eivind s hemd an nagel ghänkt.. d bsitzer vom hotel wennd spare spare spare und das heisst für mich nüm feini selbergmachti desserts für lunch nur no kaufte scheiss, wie z.b schoggipudding oder muffins...aaaaah!! zum glück hani kündt, susch hettis jetzt... sind absoulut z wenig lüt, und hend zu allem ane 4 neui lehrling wo sötted usbildet werde..de chuchichef isch verunfallt und fallt für es paar wuche us, de reto hett sin letschte am 7.10 und ich am 15.10 nacher sinds na 2 chöch und 6 lehrling.. wonich agfange ha sinds 6 chöch gsi und d lehrling... weiss nid wie das söll go, aber es wird nüm mis problem sii... ich bereite mich solangsam aber sich uf d rückkehr vor.. wohnig sueche und so wiiter... chum ja dä dunnschtig schomal für 10 täg hei, sozsäge als vorgschmack :P es isch ja de unverzichtbar hallauer herbstsunntig wo ich eu alli erwarte :D JAAA!!!

morn (also hüt) gangi mit de maren uf oslo ines michelin-stern-restaurant go ässe, freu mi scho mega... jaamm...

partytechnisch fiiremer ei abschiedsparty nach de andere obwohl de reto z pfläge seit: es sind kei goodbye drinks sondern see u later drinks..

hoffe au mal öppis vo eu z ghöre au wenni mi blogtechnisch wie e treulosi tomate verhalte han

eui norwegerin

3 Kommentare 20.9.10 01:58, kommentieren

aaaaaah ich dreih durre

hallüü

ich muess ez eifach gschnell abdampfe, bzw dampf abloh... aaaaaaaaaaaaaaaahhhhh!! hüt isch wiedermol sonen obig gsi, wo me am liebschte am morge gar nid us de fäddere ghüpft wer... aber me weiss es ja nie vorher...

hend hüt fullhouse gha, e hochzit 63lüüt, mega schön, hend im hotelgarte ghürote ) und denn e anderi gruppe 20 lüüt, e gruppe mormone 20 lüt, 16 lüt vonere schuehfirma und na öppe 21 a la carte lüt wo halt eifach grad luscht gha hend zum go ässe, nuun guet, mis mise en place isch gmacht gsi, aber denn gohts los! CYNTHIA HILFE!!!! irgend e bstellti torte vo de finbakerie isch nid cho, und das merked die hirnis ja genau e stund vorher (wie wärs mit checkä?!?!?!) und wie immer muess ich de scheiss usbade und im allergröschte chaos ide pati, zwüsched gnocchi, randesalot und chalbsfilet na schnell e torte anewi***... aaaaaaahrrg! nei, denn chunnt de direx, ja ich söll doch gschnell is restaurant und die torte am tisch schniide (jihhha freude herrscht) und will ich ja so iiladend wirke hends alli mega glatt gfunde mit mir z plappere...ich natürlich im hinderchopf dasi na 23543 anderi lüt ha wo ufs dessert warted, chch, aber ich bis ja und ha da ganze fasch sinkende dessertschiff gschauklet, wie en grosse kapitääään!! wuuuhuu und jetz hani mir en schnappppsss verdient  

schöns WE! 

1 Kommentar 28.8.10 23:03, kommentieren

wieder mal under de blogger

palüm palüm

sooodela nachere abweseheit bini wieder zrugg i miim blog hend mi sicher scho sehr vermisst, guet so! hüt i 2 mönet bini scho dihei und wohrschindlich wieder am umehösele vom einte zum andere termin...

do obe isch alles ganz priimavissima... nachdem ich die strengeste mönet im jahr ällei durrebucklet han (ich tiiiiiier :P) hani ez zuewachs übercho ide patisserie, es chlises blümeli, de andreas.. norwegisch, würd säge vielleicht gänsebluemli (ich = sunneblueme!! verstohsch??) und eigentlich scho fasch zum knuddle.. er isch ez scho sitem 2.august bi mir, und ich bin würklich lieb zu ihm, erkläre alles mega, gib ihm nie z`viel z`tue und so wiiter.. aber er hett sich glaub in chopf gsetzt sini furcht nid z verlüre.. er zitteret uh oft und wennd ihn öppis frogsch stotterets nur so öppis zäme.. einersiits isches scho cool öpper z ha, denn chame au mal e arbeit wo für mich scho langwilig isch, abgäh... aber es isch au sehr ziitufwendig.. und wenn er denn öppis nid so macht, obwohl erklärt und au scho richtig gmacht, muessi mi amache loh obi das nid aständig erchlärt heg. genau i so moment wäri wieder gern de alleiherrscher i mim patisserie-riich! am 1.10 söll ja denn ageblich mini nachfolgerin afange, und ich söll sie iiarbeite... bin gspannt wie en flitzeboge

susch isch immer was am tue.. hend 2 neui chöch, zum einte d andrea us canada (super cooli frau) und de martin us deutschland, au en zwäge, und alli sinds trurig dasi gange... wäri au :P chch, nei, ich gnüsse ez eifach na di verblibend ziit.. und norwege isch ja nid wiit wäg, bi sicher ich bi scho gli mal wieder dobe für es WE...

also ihr diheiblibene... ha det braaa!! :-***

4 Kommentare 19.8.10 19:41, kommentieren

so macht me fründe ;)

Sodeliii ich bi wieder mol do

ha letscht wuche namal (und leider de letscht...agmäldet) bsuech us de schwiz gha.. d tamara isch für 3 täg do gsi, s a-löchli hetts wieder mol nid so gseh mitem wätter, aber toll isches glich gsi..

denn wer doch do no de erschti august gsi...die gschicht hett aber en tolle afang wo nid vergässe werde söll.. am fritig simmer im usgang gsi, und ufem WC trifft de gunnar en andere schwizer, was ja wohl en wucht isch chch, er hett gmeint er hegän am schnäbi erkännt, tss gunnar..
und uf alli fäll hetter denn dä andrea (usem ticinooo!!) au iglade zu üsere multikulti-fondue ässete..
am schluss simmer gsi, d cynthia (ich) de gunnar (germany, jedoch mit schwizerlibli ah) d xenia vo moldawie, d andrea us canada, de andres vo estonie und de andrea usem tessin..! es isch eifach cool gsi...

sodeli ez zu mine zuekunftsplän.. ende september/ afangs oktober hani chli ferie... will nämlich HALLAUER HERBSTSUNNTIG isch... 2/3 OKTOBER mit gigantisch gueter FONDUE-BEIZ mit exzellentem SERVICE ) chömed alliiii!!!!

15.10 isch denn min letschte arbeitstag, und am sunntig 17.10 chumi hei!

Ha det bra


3 Kommentare 2.8.10 22:59, kommentieren

wieder ganz ällei

halloooo :-)

sodeli, ich bi wieder zrugg... 
es läbe do obe isch immerna tip top, s wetter isch es arschloch aber susch passts
jetz sind grad d mami und de papi für e wuche do obe gsi, und wie hetts au nid andersch welle sii, hemmer kake wetter gha..aber hend üs wäg dem d luune nid versaue loh und sind fliessig underwägs gsi... vom edvard munch sim huus zum endi vo de welt, über 5 schlüse ufem telemark kanal nach engelsviken (ja, luschtige name, gäll :P) und ufd spure vo de aaaaaalte norweger hemmer üs im völkermuseum au na gmacht! es isch super gsi!!! 

jetz woni wieder ällei bi hett sich d sunne au wieder usägetraut! tsss!!! aaaaaaber es superigschte vom tag muesi na loswerde :-)))) ha usepfunderet daaaaas ich zuegang zu üsere riese dachterasse han (ein stock über mir) sie isch mega gross, hett tisch und bänk dusse und me gseht über ganz moss, es meer, d stinkfabrik, eifach alles! wuhuuuu!

scho glii bini wieder bi eu! freut mi scho....

ha det bra!!!!

1 Kommentar 22.7.10 20:54, kommentieren

ich läbe no

hallüüü

nur es chlises "hallüüü" und ich läbe no.. wie gseit, es sind summerferie und alles isch chli gechillter, so au ich

ha grad 3 täg frei, und mach eigentlich nüt anders als ide sunne ligge..obwohl me das ja nid z luut sött säge (drum schriebis ja ) hett mer die blöd sunne en strich durd rechnig gmacht.. han ja eigentlich en chline trip nach göteborg oder stavanger plant, aber luut em wetterbricht, gnauergseit luut 3 verschiedäne wätterbricht hetts wetter die letschte 3 täg sölle schlecht sii, räge und so.. aber neiiiiiii, es wetter isch so geil das ich hüt morge scho am 8ti (!!!! hihi, nid ganz sauber, ich weiisssss) ufem balkon gläge bi am sünnele, für 90 minute, denn isch d sunne verschwunde hinderem huus, und ich bi nomol go pfuse.. chch.. soviel zu mir..

morn inere wuche chömed mini elter, jip jippp.... denn wärdemer en usflug id telemark mache und nach drammen, freu mi scho

tschmaaatz und en guete summer au bi eu!

1 Kommentar 6.7.10 22:45, kommentieren

laaaaaangeweileeee

hallo hallo...

leider isch do obe im moment usser em viele schaffe nüt los...
s wetter isch witerhin super, und ich hoffe es blibt nochli so...

morn gangi mit 3 kollegä ad "extrema" das isch es outdoorfestival in oslo.. am morge isch zersch en brunch-weltrekordversuech und denn startet s festival.. und ufhöre tuets offiziell am 12fi ide nacht..so öppis gits doch au nur do, oder?

ha na öppis bekannt z gäh  
abem 1.november isch d frau cynthia wieder zrugg ide schwiz 1 jahr norwege isch gnueg und ihr fähled mir... 
aber bis denn sind na alli ganz herzlich willkomme do obe und ich gnüsses witerhin... afangs july plani en chline road-trip *wuuhuu*

schmatz 
ha det bra!

2 Kommentare 25.6.10 19:14, kommentieren